سناء مول، السبهللية وأكل أموال الناس بالباطل.. هل تصدق كيلو البصل في سناء مول بي ٦٠٠ جنيه؟
سناء مول، السبهللية وأكل أموال الناس بالباطل.. هل تصدق كيلو البصل في سناء مول بي ٦٠٠ جنيه؟

عندي صاحبي بعتقد جازما إنه أي بقالة بتبيع بي المسدس (الباركود) ديل ناس حرامية ساي???? وقدر ما حاولت أقنعه إنه نظام الأسعار الثابتة ده افضل ما اقتنع. وطبعا بعد يقرأ البوست ده ح يشمت فيني لكن ما مشكلة.
اليوم السبت ٥ اغسطس ٢٠١٧م مشيت سناء مول الفي كافوري عشان اشتري حاجات البيت، ومن ضمن الحاجات اشتريت حوالي كيلو ونص بصل أبيض و اتنين كيلو بصل احمر. ومشيت احاسب طلع الحساب ١١٥٣ جنيه مع إنه الحاجات خضار وشوية لحوم مافيها صنف محصل ١٠٠ ج. المهم مع زيادة الأسعار اليومين دي الزول بقى ما بتخلع، دفعت وبقيت مارق.
لمن وصلت العربية قلت ياخ معقولة الأربعة أكياس دي بي مليون وشوية?? كدي النراجع الفاتورة. وفعلا راجعت الفاتورة واتفاجأت بإنه في بصل بس بي ٥٩٩ جنيه????????????
أممممممك ده كلام شنو ده؟؟

يعني أنا لو اشتريت شوال بصل ما بالكلام ده، وعاينت لي كيسين البصل لقيت كل واحد فيهم بي ١١ جنيه. المهم في اللحظة دي رجعت شريط الذكريات لي ورا واتذكرت فواتير كتيرة سابقة كنت حاسي ييها كتيييرة لكن كسلت أراجعها باعتبار الكمبيوتر ما ممكن يغلط وكده.
مشيت رجعت طوالي لي بتاع خدمة العملاء ووريته الفاتورة قلت ليه كدي شوف لي البصل ده بي كم؟
عاين كده حَكَى فِي غُضُونٌ قليل لي لالالا الكلام ده فيه غلط، وقبيل جا واحد برضه شال ليه شوية جنزبيل حسبه ليه بي ٢ مليون????????، وواحد تاني شال ليه شنو كده ما عارف حسبه ليه بي ٨٠٠ ألف????????
يعني الجماعة عارفين نظامهم ضارب وشغالين بيه عادي????????
الزول شال الفاتورة ومشى علي البنت بتاعة الكاشير وبي كل بساطة حَكَى فِي غُضُونٌ قليل ليها هاك رجعي لي الزول ده ٦٠٠ جنيه لأنه الفاتورة فيها غلط !!! البت ابتسمت وحَكَت فِي غُضُونٌ قليل ليه بي ضحكة معقولة؟ والله ما انتبهت.
في اللحظة دي أنا قفلت معاي لي الآخر!! يعني خلاص كده المشكلة اتحلت بي البساطة دي!!!
طيب ياخ الخطأ وارد لأنه ده شغل بشر لكن كونك تكون عارف إنه السيستم بتاعك ضارب بحسب لي الناس أسعار وهمية وتتعامل مع الموضوع بي البرود ده وتواصل بيعك عادي دي حاجة ما مقبولة وبتدل علي استنكاح واستهتار بي العملاء.
صراحة أنا اتوقعت لمن يعرفوا المشكلة دي يوقفوا كل الكاشيرات من البيع فورا ويبلغوا مدير المول ويقيفوا لحدي ما تتعالج المشكلة، لكن يبدوا انه سقف توقعاتي كان عالي ونسيت أنا في السودان حيث لا حسيب ولا رقيب غير الله سبحانه وتعالى.
المهم بتاع خدمة العملاء لمن دقيت ليه جرس بالغ الشدة القصوي وقلت ليه انت مفروض تتعامل مع الموضوع ده بي جدية شوية لأنه دي أموال ناس كان رده بي كل بجاحة إنه: مفروض الزول بعد يشيل فاتورته يراجعها كويس نحن ما مسؤولين????????
قلت ليه ده أكل أموال الناس بالباطل ،، يعني كم واحد ح يكون شال فاتورته بدون ما يراجعها وأكلتوه أوانطة؟
سكت طبعا وحَكَى فِي غُضُونٌ قليل لي خلاص بكرة بنشوف بتاع الit!!
المهم يا أخوانا أنا قررت أنشر الكلام ده عشان الناس تعرف كمية السبهللية واللامبالاة من إدارة مركز سناء مول وعشان هم يعملوا حسابهم ويتعاملوا بي شوية اهتمام.
مرفق الفاتورة ويا ريت تنشروه في كل القروبات عشان يتعظوا.

بقلم
محمد الهلالي

تعليقات

المصدر : النيلين